Trop sâstu di Friûl e de sô gjeografie? Metiti ae prove e sfide “Chei di Udin”!

Cjapitui
00:00 Dôs monadis su lis Prealps Cjargnelis
00:14 “Chei di Udin” a rivin a Clausêt
00:37 Spiegazion dal zûc pai dûrs di capidorie
00:54 QUIZ MORTÂL
03:49 Cui si salvial?

Se tu vuelis imbroiâ… ve culì lis rispuestis

1) Cuâi teritoris fasino part dal Friûl?
Lis ex provinciis di Pordenon, Gurize e Udin, e il mandament di Puart Il Friûl al è une regjon storiche de Italie nordorientâl (dal non latin di Cividât, Forum Iulii). La Enciclopedia Treccani lu descrîf cussì: “Grant 8.000 km² cirche, al è limitât a Ovest de Livence e a Est dal Timau. La plui part dal so teritori e je dentri de regjon aministrative Friûl-Vignesie Julie, e e cjape dentri lis [ex] provinciis di Pordenon, Udin e Gurize; cualchi sô part margjinâl e je cjapade dentri te regjon Venit (il teritori di Puart, in provincie di Vignesie).”

2) Cuâl isal il paîs plui adalt in Friûl?
Sauris, a 1400 m s.l.m.

3) Cuâi flums segnino i confins dal Friûl?
La Livence e il Timau

4) Cuale ise la mont plui alte dal Friûl?
La mont Cogliàns

5) Cualis plachis causino i taramots in Friûl?
La plache africane e la plache europeane

6) Cualis sono lis lenghis minoritariis feveladis?
Furlan, todesc e sloven (ma ancje il ladin intal Comun di Nert e Cjas)

7) Cuale zone ise il “Friûl di là dal clap”?
Il Gurizan

8) Dulà si fevelial furlan?
Sapade (F), Budoie (V), Migjee (V), Nert e Cjas (F), Drencje (F), Cordovât (V), Grimac (F), Taipane (F), Morsan da lis Ocjis (V), Cormons (V) In chest video Mattia Cantarutti, Francesco Colombino e Federico Iob

YoupalTubo al è un progjet de ARLeF - Agjenzie Regjonâl pe Lenghe Furlane.
Par info: arlef@regione.fvg.it

-----

Responsabil di produzion ARLeF: William Cisilino 
Coordenament gjenerâl: Calt sas 
Otimizazion: Vania Pettoello
Regjie: Giacomo Urban
Grafiche: Anthes
Consulence linguistiche: Sportel Regjonâl pe Lenghe Furlane de ARLeF