Altri video di questa serie
Altris videos di cheste serie
Altri video di questa serie
Altris videos di cheste serie
Maman! La trasmission par fruts dute in lenghe furlane In onde su Telefriuli (canâl 11) ogni vinars
Une produzion di ARLeF – Agjenzie Regjonâl pe Lenghe Furlane e di Telefriuli
Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje Siôr Timp, un personaç une vore stravagant: insiemi a passin dopodimisdîs une vore divertents là che a cjantin, a zuin, a contin barzaletis e a lein contis.
In cheste pontade: I cinc sens (6). Siôr Timp al è stât clamât tant che judiç al Campionât mondiâl de cjocolate par vie che i siei cinc sens a son une vore svilupâts. Mangjant un biel toc di cjocolate, al ricuarde la formule magjiche e al fâs il so induvinel. Daria e je daûr a lei “Storie di Marilù e dai 5 sens” juste sot l’arbul di Maman!, ma si indurmidìs. Intal sium e je intun bosc cui 5 sens: la viste cun siôr Voli, la uldide cun siore Orele, il tast cun siore Man, l’odorât cun siôr Nâs e il gust cun siore Bocje. Ognidun di lôr al vûl jessi il plui impuartant di ducj e Daria no sa a cui crodi, ma l’arbul di Maman i dîs: ducj i 5 sens a son impuartants, ma dome cuant che a lavorin insiemi, cu la direzion di doi mestris di ecezion – il cerviel e il cûr – e je pardabon fieste! Daria si svee e e cjante cun Chiara la cjançon “I 5 sens”, e dopo e conte a Vigji lis sôs aventuris.
Condutoris e autoris: Daria Miani e Chiara Donada Cu la partecipazion di: Manuel Buttus Responsabil di produzion pe ARLeF: William Cisilino Coordenament gjenerâl: Vittorio Vella (Deltastudios) Regjie: Tommaso Ravo Musichis origjinâls: Flaviano Miani (musiche), Daria Miani (peraulis) Animazion sigle: Pierangelo Buttazzoni e Davide Nicolicchia Consulence linguistiche e otimizazion: Linda Picco e Elena Zanussi (Calt sas) Durade: 20 minûts cirche
Contats: arlef@regione.fvg.it maman@tvstar.com