Altris videos di cheste serie
Altris videos di cheste serie
Altris videos di cheste serie
Altris videos di cheste serie
Maman! La trasmission par fruts dute in lenghe furlane In onde su Telefriuli (canâl 11) ogni vinars
Une produzion di ARLeF – Agjenzie Regjonâl pe Lenghe Furlane e di Telefriuli
Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje Siôr Timp, un personaç une vore stravagant: insiemi a passin dopodimisdîs une vore divertents là che a cjantin, a zuin, a contin barzaletis e a lein contis.
In cheste pontade: Novembar (5). Siôr Timp si lamente di no vê mai avonde timp: al è Novembar e al à tant di fâ, al à di preparâ il cjamp pal Invier e al scomence a svangjâ impensantsi i proverbis dal nono che i dan buinis indicazions. Chiara e telefone a Daria che si è sveade di pôc e le invide a Sante Catarine par fâ une cjaminade e par mangjâ une fritule. Daria e je malsigure se lâ fûr o stâ a cjase a viodi il so program preferît, e no sa ce metisi, e cuant che e rive Chiara no je ancjemò pronte. Ae fin, par vie de sô indecision, al è tart e lis dôs amiis a decidin di no saltâ fûr. Daria e je displasude ma Chiara, che e à un altri impegn, i ricuarde che, inte vite, si à di sielzi. Dut câs, l'erôr al è simpri permetût. Lis dôs amiis a cjantin “Novembar” e dopo Daria e fâs cuatri cjacaris cun Vigji.
Condutoris e autoris: Daria Miani e Chiara Donada Cu la partecipazion di: Manuel Buttus Responsabil di produzion pe ARLeF: William Cisilino Coordenament gjenerâl: Vittorio Vella (Deltastudios) Regjie: Tommaso Ravo Musichis origjinâls: Flaviano Miani (musiche), Daria Miani (peraulis) Animazion sigle: Pierangelo Buttazzoni e Davide Nicolicchia Consulence linguistiche e otimizazion: Linda Picco e Elena Zanussi (Calt sas) Durade: 20 minûts cirche
Contats: arlef@regione.fvg.it maman@tvstar.com