Altris videos di cheste serie
Altris videos di cheste serie
Altris videos di cheste serie
Altris videos di cheste serie
Maman! La trasmission par fruts dute in lenghe furlane
In onde su Telefriuli (canâl 11) ogni vinars
Une produzion di ARLeF – Agjenzie Regjonâl pe Lenghe Furlane e di Telefriuli
Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje Siôr Timp, un personaç une vore stravagant: insiemi a passin dopodimisdîs une vore divertents là che a cjantin, a zuin, a contin barzaletis e a lein contis.
In cheste pontade: L’Autun (1). Siôr Timp al anunzie che al è daûr a rivâ l’Autun e che, magari cussì no, lis vacancis a son finidis. Al propon alore di recitâ a fuart la formule magjiche par cjatâ la soluzion al so induvinel a teme. Daria e Chiara a contin di jessisi divertidis pardabon tant dilunc des feriis ma di jessi ancje une vore contentis di cjatâsi di gnûf a Maman! Stant che l’Autun al è dongje, Daria e propon a Chiara di fâ insiemi un biel librut cu lis fueis e cun ducj i colôrs de Sierade. Intant che a costruissin il “Libri fuee” a cjantin la cjançon “L’Autun”.
Condutoris e autoris: Daria Miani e Chiara Donada
Cu la partecipazion di: Manuel Buttus
Responsabil di produzion pe ARLeF: William Cisilino
Coordenament gjenerâl: Vittorio Vella (Deltastudios)
Regjie: Tommaso Ravo
Musichis origjinâls: Flaviano Miani (musiche), Daria Miani (peraulis)
Animazion sigle: Pierangelo Buttazzoni e Davide Nicolicchia
Consulence linguistiche e otimizazion: Linda Picco e Elena Zanussi (Calt sas)
Durade: 20 minûts cirche
Contats:
arlef@regione.fvg.it
maman@tvstar.com