Altris videos di cheste serie
Altris videos di cheste serie
Altris videos di cheste serie
Altris videos di cheste serie
Maman! La trasmission par fruts dute in lenghe furlane
In onde su Telefriuli (canâl 11) ogni vinars
Une produzion di ARLeF – Agjenzie Regjonâl pe Lenghe Furlane e di Telefriuli
Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje Siôr Timp, un personaç une vore stravagant: insiemi a passin dopodimisdîs une vore divertents là che a cjantin, a zuin, a contin barzaletis e a lein contis.
In cheste pontade: I colôrs (3). Al è rivât Siôr Timp, lis cundizions meteorologjichis a son perfetis pe formazion dal arc di Sant Marc, e… velu li! Siôr Timp al conte dai siet colôrs diferents che lu componin e al decît di riprodusilu cui pinei. Ancje Daria, che si è iscrite a un cors di piture, e je daûr a piturâ l'arc di Sant Marc. Chiara e va a cjatâle par visâle dal spetacul che al è in cîl e e impare di Daria che ae fonde di ducj i colôrs dal arc di Sant Marc a ‘nd è dome trê: i colôrs primaris, ven a stâi il zâl, il ros e il blu. Daria e spieghe ae amie ancje la diference fra colôrs frêts e colôrs cjalts e dopo a cjantin insiemi “Un cuadri di trente mil colôrs”. A lein dopo la storie “La liende dai colôrs” e, ae fin de serade, Daria e conte a Vigji de sô gnove passion pe piture.
Condutoris e autoris: Daria Miani e Chiara Donada
Cu la partecipazion di: Manuel Buttus
Responsabil di produzion pe ARLeF: William Cisilino
Coordenament gjenerâl: Vittorio Vella (Deltastudios)
Regjie: Luca Fornasiero
Musichis origjinâls: Flaviano Miani (musiche), Daria Miani (peraulis)
Animazion sigle: Pierangelo Buttazzoni e Davide Nicolicchia
Consulence linguistiche e otimizazion: Linda Picco e Elena Zanussi (Calt sas)
Durade: 20 minûts cirche
Contats:
arlef@regione.fvg.it
maman@tvstar.com