Altris videos di cheste serie
Altris videos di cheste serie
Altris videos di cheste serie
Altris videos di cheste serie
Maman! La trasmission par fruts dute in lenghe furlane
In onde su Telefriuli (canâl 11) ogni vinars
Une produzion di ARLeF – Agjenzie Regjonâl pe Lenghe Furlane e di Telefriuli
Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje Siôr Timp, un personaç une vore stravagant: insiemi a passin dopodimisdîs une vore divertents là che a cjantin, a zuis, a contin barzaletis e a lein contis.
In cheste pontade: Zenâr (1). Al nevee e Chiara e va a cjase di Daria par invidâle a zuiâ difûr cu la nêf; le clame e i dîs di puartâ jù ancje une palete. Daria si fâs spietâ e alore Chiara e va sù in cjase par viodi ce che al sucêt e e cjate Daria vistide come se e ves di lâ al mâr: no si jere inacuarte che fûr al jere daûr a neveâ! Une volte vistide pe nêf, Daria e cjante cun Chiara “Il mês di Zenâr”. Siôr Timp al anunzie che al è rivât l'Invier e al conte che la peraule Zenâr e ven dal Diu roman Giano, il custodi des puartis, rapresentât cun dôs musis: une bande il passât e une bande il presint. Zenâr al è calcolât par tradizion il mês de nêf, chel plui frêt dal an: la vegjetazion e polse e i fruts a zuin a fâ pipins e balis di nêf. Daria e Chiara a lein la storie “La mierle” e, plui tart, Daria e conte a Vigji dal so malintindiment cun Chiara e des çavatis di mâr che e veve pensât di meti e che, cu la nêf… propri no si intivavin!
Condutoris e autoris: Daria Miani e Chiara Donada
Cu la partecipazion di: Manuel Buttus
Responsabil di produzion pe ARLeF: William Cisilino
Coordenament gjenerâl: Vittorio Vella (Deltastudios)
Regjie: Luca Fornasiero
Musichis origjinâls: Flaviano Miani (musiche), Daria Miani (peraulis)
Animazion sigle: Pierangelo Buttazzoni e Davide Nicolicchia
Consulence linguistiche e otimizazion: Linda Picco e Elena Zanussi (Calt sas)
Durade: 20 minûts cirche
Contats:
arlef@regione.fvg.it
maman@tvstar.com