Altris videos di cheste serie
Altris videos di cheste serie
Altris videos di cheste serie
Altris videos di cheste serie
Maman! La trasmission par fruts dute in lenghe furlane
In onde su Telefriuli (canâl 11) ogni vinars
Une produzion di ARLeF – Agjenzie Regjonâl pe Lenghe Furlane e di Telefriuli
Intune cjasute cun tancj colôrs a son a stâ Daria e il gjatut Vigji che a passin dopomisdîs tant divertents cjantant cjançons, zuiant, contant barzaletis e leìnt storiis. A ogni pontade a tuchin te puarte ospits simpatics, ognidun cuntune storie particolâr: cjantants, scritôrs, ilustradôrs, insegnants, mâcs, cjantautôrs, atôrs, comics, musiciscj, cogos e tancj altris. A inricjî ogni apontament a son tantis rubrichis: “A ogni frut il so librut”, dedicade ae leture di un libri ilustrât in lenghe furlane; il “Zûc”, cu lis ilustrazions di “Alc&Cè”, insert de “La Vite Catoliche”; “Master Cogo Furlan”, cu la preparazion di golosets facii di fâ; “99 peraulis”, lis cjartis ilustradis par imparâ peraulis gnovis in plui lenghis; i “Mûts di dî” e il spazi dedicât ai videos mandâts dai fruts di cjase. Ae fin, pai adults, une videointerviste curte dal progjet “Cressi cun plui lenghis” par informâ e par sensibilizâ i gjenitôrs, i nonos e i educadôrs sui vantaçs dal plurilinguisim.
In cheste pontade (2). Te puarte de cjasute di Daria al tuche Mauro Tubetti, in art Dj Tubet: lui al è un rapper che al invente storiis in lenghe furlane, similis aes vilotis, ma in clâf contemporanie, doprant la tecniche musicâl de improvisazion e dal rap. Pe fieste dal ultin dal an i covente une bandiere dal Friûl par preparâ il palc, e al è sigûr che Daria a ‘nd vedi une di prestâi. Tubet al conte a Daria che dilunc dal conciert al cjantarà insiemi cuntun amì persian, e ognidun lu fasarà inte sô lenghe mari. Dopo vêlu saludât, Daria e met il cjapiel di coghe e, intal spazi di Master Cogo Furlan, e prepare la torte bandiere. Plui tart e lei il libri “GjatUT e il Nadâl” di D. Crapiz e D. Alessio (ed. Kappa Vu), e fâs il zûc di Alc&Cè, e insegne cualchi gnove peraule cun “99 Peraulis” e un gnûf mût di dî, si gjolt i videos mandâts di cjase dai telespetatôrs di Maman!, e infin si rilasse tal tinel cul so gjatut Vigji contantji lis aventuris de zornade. In sieradure, pai gjenitôrs, e va in onde une videointerviste curte a Antonella Sorace: “La impostazion al bilinguisim ise diferente cuant che une des dôs lenghis e je une lenghe minoritarie?”
Condutore e autore: Daria Miani
Regjie: Luca Fornasiero
Musiche: Flaviano Miani
Redazion e consulence linguistiche ARLeF: Priscilla De Agostini, Linda Picco, Miriam Pupini
Responsabil dal progjet pe ARLeF: William Cisilino
Coordenament pe ARLeF: Priscilla De Agostini
Sigle Maman!: vôs e peraulis di Daria Miani, musiche di Flaviano Miani, foto di Silvia Raber, animazion di Pierangelo Buttazzoni e Davide Nicolicchia
Logo Maman!: Calt Udin
Durade: 20 minûts cirche
Contats:
arlef@regione.fvg.it
maman@tvstar.com