Si invie cu la innomenade naine furlane “Ursule parussule” il gnûf carton animât de ARLeF – Agjenzie Regjonâl pe Lenghe Furlane che al insegne ai fruts regulis impuartantis di igjiene, simpri plui fondamentâls in dì di vuê.

Il progjet al è nassût de colaborazion cu la Protezion civîl regjonâl, sul imprin tant che schede a fumets, e al devente cumò un strument ancjemò plui valit par stâ dongje ai gjenitôrs, ai nonos e ai insegnants tal percors fondamentâl di educazion ae salût dai frutins.

Free e Ulli a nassin de ilustradore Patrizia Geremia e a dan vite aes storiis de golaine di libris editade di Futura Edizioni, che la ARLeF i à afidât ancje la creativitât di cheste serie “speciâl”. Lis vôs prestadis ai personaçs a son chês di doi atôrs furlans cognossûts, Claudio Moretti e Elvio Scruzzi, intant che la vôs che e conte e je chê di Daria Miani, condutore de famose trasmission Maman! dulà che Free e Ulli a son di cjase.

Detais

Une presentazion di/Una presentazione di:
ARLeF - Agjenzie Regjonâl pe Lenghe Furlane

In colaborazion cun/In collaborazione con:
Protezione Civile - Friuli Venezia Giulia
e Futura edizioni

Ilustrazions di: Patrizia Geremia (Futura edizioni)
Vôs: Claudio Moretti, Elvio Scruzzi, Daria Miani
Coordenament gjenerâl: William Cisilino (ARLeF)
Supervision e consulence linguistiche: Sportel Regjonâl pe Lenghe Furlane
Video realizât di: Quasar Corporate
Produzion esecutive Giorgio Milocco
Coordenament tecnic: Andrea Guarascio
Animazions: Lorenzo Bertarelli