A Stele i plâs tant
stâ in cusine là che
e pues nulî tancj profums…
bogns, fuarts, golôs.
stâ in cusine là che
e pues nulî tancj profums…
bogns, fuarts, golôs.
Cualchi volte si sente intun cjanton a cjalâ i barbis cusinâ, e e prove a induvinâ di cuâl ingredient che al rive chel profum. Ogni tant la agne i dîs che e pues judâle a preparâ il mangjâ. Stele e je curiose e i fâs mil domandis. Cualchi volte e bagne il dêt e e cerce cence fâsi viodi.
Ce bon!
Ce bon!
Te dispense al è a stâ un ospit speciâl: Surîs, un surisin che al cognòs ducj i plats e lis ricetis de nestre regjon.
In Friûl a son il mâr, la planure, lis culinis, e lis monts
al dîs... e intant al slisse lis mostacjis.
Mil guscj e mil savôrs,
un par paîs, un par cusine!
un par paîs, un par cusine!
“Des monts i cjarsons, fuarts e delicâts.
De planure il frico, cul formadi e lis patatis.
Dal mâr lis saradelis e i calamârs. E po i strucs, la rose di Gurize, la broade, la polente, lis cjastinis, i sparcs…
Tropis golosetâts di cerçâ!”.
De planure il frico, cul formadi e lis patatis.
Dal mâr lis saradelis e i calamârs. E po i strucs, la rose di Gurize, la broade, la polente, lis cjastinis, i sparcs…
Tropis golosetâts di cerçâ!”.
Ogni volte Surîs mi da di maravee cuant che mi conte une storie cuntun gnûf mangjâ.
Inte vite di un frut, i savôrs e i odôrs a fissin ricuarts impuartants e che no si dismentein: pal sigûr, ognidun di nô si vise bot e sclop di un lûc o di une situazion, cuant che si cjate denant di un odôr o di un profum. La cusine e je un tra chei lûcs là che si fasin chestis esperiencis, là che a nassin e a continuin; te cusine la famee si da dongje e par solit li e vîf un tra i rituâi principâi de vite di ogni dì.
La esposizion di ricetis e di ideis in cheste pagjine e dopre lis sugjestions che a rivin di un plat o di un odôr par contâ no dome de lenghe ma ancje di cemût che cheste e sedi dolce e familiâr se peade a un ricuart.