Ghiti al à l’intindiment di jessi un progjet di scuadre: nus plasarès cjapâ dentri i insegnants e ducj i fruts des scuelis primariis e secondariis di prin grât, cun leturis in classe, creazion di contignûts, dant fûr materiâl di taiâ e di doprâ par dissens e animazions.
Nus plasarès jentrâ in contat cun voaltris: se o volês, o sarìn contents di fâus jentrâ tal progjet. O podês mandânus il materiâl sedi par furlan che par talian: o varìn il plasê di voltâlu noaltris e di fâ viodi i contignûts intune altre lenghe, cun chê di stiçâ la curiositât e la ricercje dai fruts. Se o volês fevelâ di classis di programazion, fasêtnus savê.
No viodìn la ore di scoltâus!
Discjame la presentazion dal progjet
