Altris videos di cheste serie
Altris videos di cheste serie
Altris videos di cheste serie
Altris videos di cheste serie
Maman! La trasmission par fruts dute in lenghe furlane
In onde su Telefriuli (canâl 11) ogni vinars
Une produzion di ARLeF – Agjenzie Regjonâl pe Lenghe Furlane e di Telefriuli
Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje doi personaçs simpatics, il crot inglês Free e la moscje furlane Ulli: insiemi a passin dopodimisdîs une vore divertents là che a cjantin, a zuin, a contin barzaletis e a lein contis.
In cheste pontade: La nature (13). Une comitive di turiscj malcreançôs e sporcje e ruvine il bosc di Maman! butant cjartatis e vanzums di robe di mangjâ, e spaurint i animâi che a son a stâ li. Free & Ulli a corin a contâ dut a Daria e a Chiara: lis dôs amiis a van a controlâ la situazion e, savoltadis di ce che a cjatin intal bosc, a decidin di tirâsi sù di maniis e di netâlu dut; dopo, a tapecin il bosc di cartei che a improibissin dutis lis brutis azions cuintri de nature. Intonant une cjançon une vore biele che e conte de bielece de nature, Daria e Chiara nus invidin a jessi siei amîs e a rispietâle simpri. Dopo dai contribûts tant biei dai piçui telespetatôrs di Maman!, Daria e conte a Vigji dut ce che e à vivût dilunc de sô zornade.
Condutoris e autoris: Daria Miani e Chiara Donada
Cu la partecipazion di: Silvia Piani e Silvia Gazzetta (Free & Ulli)
Responsabil di produzion pe ARLeF: William Cisilino
Coordenament gjenerâl: Vittorio Vella (Deltastudios)
Regjie e animazion sigle: Tommaso Ravo
Musichis origjinâls: Flaviano Miani (musiche), Daria Miani (peraulis)
Consulence linguistiche e otimizazion: Michele Calligaris e Linda Picco – Sportel regjonâl pe lenghe furlane/Calt
Durade: 20 minûts cirche
Contats:
arlef@regione.fvg.it
maman@tvstar.com