Il Friuli è un piccolo compendio dell'universo,
alpestre piano e lagunoso
in sessanta miglia da tramontana a mezzodì.
(Ippolito Nievo)

Il Friûl nol è dome la tiere tra lis Alps e il mâr Adriatic, ma al è ancje ducj i puescj dal mont là che, ogni dì ma ancje dome par un moment, al vîf contant di lui in lenghe furlane. Al è: Stâts Unîts, Canadà, Argjentine, Australie, Belgjiche, Svuizare. E se “i animâi no cognossin confins”, no lu fâs e no à di fâlu ni la sô lenghe ni la sô culture. La gjeografie dal Friûl e ten dentri mâr, monts, boscs, planis e in cheste sô varietât a rivochin tantis varietâts di climis e di culturis de Europe.

I contignûts da pît di cheste pagjine a metin dongje, cun contis curtis e fotografiis, i teritoris de nestre regjon cun lûcs che ur somein a altris in stâts e in continents diferents, intune narazion semplice che e stice i letôrs plui piçui a interessâsi ae gjeografie locâl e dal mont.

Per i grandi
Pai grancj
torne sù
“O cjali des monts e o viôt il mâr”, Stele e sint fevelâ ma no viôt nissun. Cui saraial? “E cuant che il timp al è biel, de piche de mont, cuntun bati di alis o rivi dret fintremai il mâr!”
Stele e cjale ad alt e e viôt Acuile, che cu lis sôs alis grandononis e svole su dut il Friûl e plui inlà ancjemò.
“O cjali i ors, grancj e grues, cjaminâ pai boscs che a confinin cu la Slovenie; i stambecs e i cjavrûi che a zuin e che a saltin tra lis pichis de Austrie e dal Friûl.
Confins, stradis, centis? Ce sono?! No àn nuie ce fâ cun nô animâi.”.
A nô nus plasin i prâts e lis vals, lis aghis, lis rosis, i arbui e dutis lis maraveis de nature che a vivin cun nô.”.
“Il mont al è cetant grant ma jo ti feveli di ce che o cognòs: chest piçul grant univiers che al è il nestri Friûl.”.
Ghiti piccolo aculeo